"БІЛІМ САПАСЫН ЖЕТІЛДІРУДІҢ ИННОВАЦИЯЛЫҚ ӘДІСТЕРІ" атты ерекше форматта Педагогикалық кеңес

Биылғы жаңа оқу жылының қарсаңында тамыз айының 23-і күні мектеп-гимназиямызда "БІЛІМ САПАСЫН ЖЕТІЛДІРУДІҢ ИННОВАЦИЯЛЫҚ ӘДІСТЕРІ" атты ерекше форматта Педагогикалық кеңес өткізілді.

 Педагогикалық кеңестің мақсаты:

      - ұлттық және жалпыадамзаттық құндылықтар, ғылым мен тәжірибенің жетістіктері негізінде жеке тұлғаны қалыптастыруға, дарындылығын дамытуға және табысқа жетуге бағытталған сапалы білімді насихаттау;

       - мектеп-гимназия педагогтарының шығармашылық идеяларын дамыту;

       - мектеп-гимназия педагогтерінің бір-бірімен тәжірибе алмасу мүмкіндіктерін дамыту;

Педагогикалық кеңестің ашылуында мектеп-гимназия директоры МҰРАТ ЖАРЫЛҚАПҰЛЫ сөз сөйлеп, 2021-2026 жылдарға арналған мектеп-гимназияны "Дамыту жоспарының" орындалу барысына тоқталды. 

Әрі қарай, "Шығармашылық топ" мүшелері Педагогикалық кеңесті өткізу барысын қолға алып, бірнеше мұғалімдерден тұратын топ ұйымдастырып, әр топқа ситуациялық тапсырмалар берілді. Білім саласындағы Инновациялық технологияларды енгізу, жүзеге асыру, сонымен бірге Жаһандық құзыреттіліктер, адами құндылықтар төңірегінде АКТ құралдарымен, рольдік ойындармен берілген тапсырмаларды орындады. 

Сондай-ақ, Педагогикалық кеңесте көрермен мұғалімдерге де арнайы тапсырмалар дайындалып, ситуациялық сұрақтар қойылды.

Аталған Педагогикалық кеңестің артықшылығы ұжым арасында ынтымақтастық, ауызбіршілік, командада бірлесіп жұмыс жасау секілді құндылықтар кеңінен көрініс тауып, Педагогтерге көтеріңкі көңіл-күй сыйлады.

Құрметті, Керімбай ұстаздары осы педагогикалық кеңеске бір кісідей атсалысып, тәжірибелеріңізбен бөліскендеріңізге алғысымыз шексіз!!!

Алдағы, Жаңа оқу жылында барлықтарыңызға шығармашылық табыс тілейміз. Креативті идеяларыңызбен білім саласын дамытуға атсалысып, жетістікке жете біріңіздер!!!