“ 50 жыл - алтын белес. Мектеп - мәңгі жүректе”

“ 50 жыл - алтын белес. Мектеп - мәңгі жүректе”

    Биылғы көктем мектеп- гимназиямыздың тарихында ерекше бір белеске айналды. 1975 жылы алтын ұясынан үлкен өмірге жолдама алған түлектеріміздің мектеппен қоштасқанына 50 жыл толып отыр. Осыған орай мектеп-гимназиямызда ардақты түлектермен әсерлі кездесу ұйымдастырылды.

   Бұл күні мектеп- гимназия қабырғасы мерекелік көңіл-күйге бөленіп, жас ұрпақ пен аға буынның тоғысу алаңына айналды.

Алтын ұядан жарты ғасыр бұрын тұлеп ұшқан түлектердің әрқайсысы - әр түрлі мамандықты игеріп, еліміздің өркендеуіне үлес қосқан, өз ортасында абыройға ие болған еңбек ардагерлері.

    Кездесу барысында түлектер өз естеліктерімен бөлісіп, ұстаздарына алғыстарын білдірді.

Кездесу соңында естелікке суретке түсті.Бұл – кейінгі буынға қалдырған тағылымды естелік әрі символдық белгі.

    Қорытындылай келе, мұндай кездесулер ұрпақтар сабақтастығын нығайтып, рухани байланыстарды күшейте түсетіні сөзсіз. 50 жыл бұрынғы түлектеріміз – бүгінгі қоғамның арқа сүйер азаматтары. Олардың өмір жолы – кейінгі жас ұрпаққа үлгі, бағыт-бағдар.