«Қыс мезгіліндегі қауіпсіздік мінез-құлық ережелері» тақырыбында кездесу өтті

«Қыс мезгіліндегі қауіпсіздік мінез-құлық ережелері» тақырыбында кездесу өтті
Оқушылардың өмір қауіпсіздігін қамтамасыз ету және қысқы кезеңде орын алуы мүмкін қауіптердің алдын алу мақсатында «Қыс мезгіліндегі қауіпсіздік мінез-құлық ережелері» тақырыбында танымдық кездесу ұйымдастырылды.
Кездесу барысында қыс мезгілінде көшеде, жолда, мұз үстінде және қоғамдық орындарда сақталуы тиіс қауіпсіздік ережелері түсіндірілді. Сондай-ақ көктайғақ кезінде абай болу, жұқа мұзға шықпау, төтенше жағдайларда дұрыс әрекет ету және қысқы демалыс уақытындағы қауіпсіздік шаралары жөнінде маңызды ақпараттар берілді.
Іс-шара барысында оқушылар өздерін қызықтырған сұрақтарға жауап алып, қауіпсіздік ережелерін сақтаудың маңыздылығын түсінді. Мұндай кездесулер балалардың қауіпсіздік мәдениетін қалыптастыруға және жауапкершілік сезімін арттыруға ықпал етеді.
❄️ Қауіпсіздік ережелерін сақтау – әр адамның өз өмірі мен денсаулығын қорғаудың басты кепілі! ❄️