«Білімге ұмтылу, еңбексүйгіштік және отаншылдық» тақырыбында салтанатты мереке!

Бүгін еліміздің барлық мектептерінде алғашқы қоңырау соғылып, салтанатты жиындар өтті. Бұл күн - білім ордалары білім алушыларға есіктерін айқара ашып, мектеп табалдырығын алғаш аттаған кішкентай бүлдіршіндерді ықыласпен қарсы алатын күн. Тараз қаласы Керімбай атындағы №12 мектеп-гимназиясында да сыңғырлаған күміс қоңыраудың үні естіліп, білім күніне арналған «Білімге ұмтылу, еңбексүйгіштік және отаншылдық» тақырыбында салтанатты мереке өтті. Салтанатты жиында мектеп-гимназия директоры Тұрысбек Мұрат Жарылқапұлы өткен жылдың жетістіктеріне тоқталып, білім алушыларды жаңа оқу жылымен құттықтап, жүрек жарды тілегін білдірді. Мерекенің арнайы қонағы қалалық қоғамдық кеңестің төрағасы Сейдазимов Сембек Әбетайұлы қатысып, білім алушыларды білім күнімен құттықтап, сәттілік тіледі.