Жас лидер академиясы

Керімбай атындағы  12 мектеп-гимназиясында  "Жас лидер академиясы" ұйымдастыруымен қазақ тілі пәнінің мұғалімдері Шалдыбаева Гүлзейнеп Бахтиярқызы,Қонысбек Жансая Садуақасқызы, тарих пәнінің мұғалімі Қабатаев Жуаныштың жетекшілігімен кезекті бір күндік тренинг өткізілді. Мемлекет пен қоғам дамуынына оң әсер ететін көшбасшылар дайындайтын бұл тренинг барысынан 9,10-сынып білім  алушылары бір-бірімен мәдениетті  қарым-қатынас жасау, критикалық ойлау негіздерін қалыптастыру, уақытты жоспарлау және басқару, өзіне деген сенімділікті дамыту, көпшілік алдында сөйлеу және келіссөздер жүргізу барысындағы ойын еркін  жеткізу дағдыларын тиімді пайдалануды үйренді. 

   Белсенді азаматтық ұстанымы мен заманауи көзқарасы бар жас көшбасшылар -уақыт талабы. Ғаламдану жағдайында жас ұрпақтың бәсекелестік артықшылықтарға ие болуы мақсатында қазіргі заманғы жас буыннан көшбасшыларды тәрбиелеу өте маңызды. Әлі де берері мол,үйретері көп  тренингтер жалғасын тауып, өзінің нәтижесін береді сөзсіз.  Білім алушыларымыз бен жетекші ұстаздарымызға сәттілік тілейміз!