"Кәмелетке жасы толмағандардың құқықтық және әкімшілік жауапкершілігі" тақырыптарында 9-11 сынып ұлдарымен кездесу ұйымдастырылды.

Әкенің бала тәрбиесіндегі жауапкершілігін арттыру және мектеппен байланысты нығайту мақсатында  Керімбай атындағы №12 мектеп-гимназиясы жанынан "Әкелер кеңесі" құрылған. 

Ыбырай Алтынсарин айтқандай «Әке мен бала достығы»  –  ең қымбат құндылық, осы құндылықты дәріптеу мен насихаттау мектеп-гимназия жұмысындағы негізгі ұстанымдарының біріне айналып отыр. Бала тәрбиесінде әкенің алар орны ерекше.

–Әкелер кеңесінің  жұмысы  – отбасылық құндылықтарды сақтау, әкелердің бала тәрбиесіне ат салысуға шақыру және жасөспірімдер арасында құқық бұзушылықтың алдын алу шараларын ұйымдастырудағы ата-ананың белсенділігін арттыру мен  мектептің ұл балаларын еңбекке тартуға бағытталған. 

Осы орайда ақпанның 17 күні мектеп-гимназияда "Әкелер кеңесінің" мүшелері Мұсаев Қамбар Мәделбекұлы, Мукашев Ғани Аманбайұлы, Есентаев Нұржігіт, Хусайнов Нұртас, Кадиров Дүйсеннің қатысуымен "Кәмелетке толмағандарға  қатысты жазаның түрлері", "Кәмелетке жасы толмағандардың құқықтық және әкімшілік жауапкершілігі" тақырыптарында 9-11 сынып ұлдарымен кездесу ұйымдастырылды.