Семинар-кеңес!

Мектеп-гимназиямызда жас мамандарға кезекті семинар-кеңес болып өтті. Семинар-кеңесті «Өзгеріс енгізу» тобының мүшесі, мектеп-гимназия тренері Гүлзейнеп Бақтиярқызы жүргізді. 
    Гүлзейнеп Бақтиярқызы «Сапалы эссе жазудың тиімді жолдары» тақырыбында  таныстырылым жасады. Эссенің құрылымына тоқталып, тезис, ой тұжырымы, пікірге қатысты аргумент туралы түсінік берді.
      Сонымен қатар , бүгінгі білім берудегі жаңа негізгі бағыт білім беру үдерісін цифрландыруға тоқталды. Соның ішіндегі педагог үшін аса маңызды құжат бұл-электронды портфолио. 
Электронды портфолионың негізгі мақсаты – мұғалімнің кәсіби өсуінің мониторингінің, кәсіптік нәтижелерінің, жетістіктерінің талдауын қамту;
Электронды портфолио мұғалімнің өз қызметіндегі әр түрлі – оқыту, тәрбиелеу, шығармашылық, өз білімін көтерудегі нәтижелерін жинауына көмек беретініне баса назар аударды. Өз іс-тәжірибесімен бөлісті.
Жас мамандар керекті мағлұмат алып, алғыстарын білдірді.