«Ерекше білім беруді қажет ететін білім алушыларға тиімді психологиялық-педагогикалық қолдау көрсету» тақырыбында семинар-кеңесі

Ерекше білім беру қажеттілігі - бұл әр оқушының оқуы табысты болуын қамтамасыз ету мақсатында психологиялық-педагогикалық әдістермен жүзеге асырылатын оқу үдерісіндегі көмек пен қызмет көрсету қажеттілігі. Көп жағдайда жақсы, түсінікті, қолжетімді оқыту қажет. Бұл өз кезегінде баланың жеке қажеттіліктеріне, қабілеттері мен даму ерекшеліктеріне сәйкес келетін түрлі әдістерді пайдалануды көздейді. 
  Мектеп-гимназиядағы «Өзгеріс енгізу» тобының мүшесі, ПШО-ның арнайы шақыртылған тренері Мейрамкүл Алтмышовна «Ерекше білім беруді қажет ететін білім алушыларға тиімді психологиялық-педагогикалық қолдау көрсету» тақырыбында семинар-кеңес өткізді. 
  Семинар-кеңеске бастауыш сынып мұғалімдері мен жас мамандар қатысып, өз ойларын ортаға салып, тәжірибе алмасты.