23
январь
2026
Әдібай Табылдының туғанына 100 жыл толуына арналған "Балалар әдебиетінің шамшырағы" атты танымдық сағат
Жамбыл облысы әкімдігінің мәдениет және тілдерді дамыту басқармасының "Д.А.Қонаев атындағы Жамбыл облыстық балалар мен жасөспірімдер кітапханасы" мен Керімбай атындағы 12 мектеп-гимназиясының кітапхана қызметкерлерінің ұйымдастыруымен "Балалар кітапханасы" жобасы аясында қазақ балалар әдебиетінің көрнекті өкілі, ақын,жазушысы Әдібай Табылдының туғанына 100 жыл толуына арналған "Балалар әдебиетінің шамшырағы" атты танымдық сағат мектеп кітапханасында болып өтті. Мақсаты: Әдібай Табылдының 100 жылдығына орай, жазушының өмірі мен шығармашылығын таныту. Оқушыларды әдебиетті сүюге, адамгершілікке тәрбиелеу. Балалар әдебиетінің маңызын насихаттау.
Іс-шара барысында ұрпақ тәрбиесіне өлшеусіз үлес қосқан Әдібай Табылдының балаларға арнаған тілге жеңіл, 6"Д" сынып оқушылары А.Бөріқожа "Ұстаз болам", Н.Болат "Ана тілі", Ұ.Есбол "Әдеп пен әдет", Н.Советхан "Ел таңбасы" , Н.Әбілхан "Ұстаз-Ана , Ә.Әбдікерім "Көп оқиды тектілер", Е.Кемелбек "Отанға қорған боламыз", Ә.Болат "Басты нәрсе-ғылымда" атты ойы анық өлеңдерін жатқа айтып берсе, Ә.Табылдының шығарма желісі бойынша "Ақ әженің қуанышы" және "Еркебайдың ертеңі" атты сахналық қойылым көрсетілді. Шара соңында Ә.Табылдының шығармашылығына арналған кітап көрмесі қойылып таныстырылды.
