Жақсы адам ғана жақсы басшы бола алады.                                           Жүсіп Баласағұн        Бүгін мереке қарсаңында мектеп-гимназия директоры Мұрат Жарылқапұлы Жамбыл облысы әкімдігі білім басқармасының «Құрмет грамотасымен» марапатталды.      Абыройыңыз асқақ, мерейіңіз үстем, беделіңіз биік болсын! 

Ақырын жүріп, анық бас Еңбегің кетпес далаға Ұстаздық еткен жалықпас,  Үйретуден балаға                     Абай Құнанбайұлы  Ұстаздар мерекесі қарсаңында,  9 «Б» сынып оқушылары ардагер ұстазымыз Додабаева Гүлжайнат Исанқызын ұстаздар мерекесімен құттықтап қайтты. Гүлжайнат Исанқызы оқушыларға өз алғысын білдіріп, мектеп-гимназия ұжымын ұстаздар мерекесімен құттықтады.

Керімбай атындағы №12 мектеп-гимназиясының 7А сынып оқушысы Нурлыбеков Еркебұлан Қырғызстан Республикасында өткен Таэквондодан әлемдік чемпионат бәсекесінде бақ сынасып, жүлделі ІІ орынды иеленді.  Алар асуын, бағындырар белестерін көп болсын. Тек биіктен көріне бер!

Мерейлі жасқа келіп отқан әріптестерді құттықтау, құрмет көрсету мектебіміздің ұйымдастырылып тұратын ізгі шараларының бірі. 5 қыркүйек осы дәстүр жалғасын тауып, мерейтой иелеріне құрмет көрсетіліп, мектеп әкімшілігі мен кәсіподақ ұйымы өкілі тарапынан құттықтау сөздер айтылып, сый-сыяпаттар табыс етілді. Бар ғұмырын ізгі арманға арнап, халыққа риясыз адал қызмет етіп жүрген, қазақтың даласындай пейілі кең, жаны жомарт, жүрегі жылы жандарға амандық, денсаулық, отбасыларына береке-бірлік,

Математика пәнінің мұғалімі Рабиға Шамшиддинқызы қалалық білім бөлімінің «Құрмет грамотасымен» марапатталды.

Мектеп-гимназиямыздың география пәнінің мұғалімі Жанат Кеулимжаевна Жамбыл облысы әкімдігінің білім басқармасының «Алғыс хатымен» марапатталды.

ҚР Оқу-ағарту министрлігінің 2011 жылғы 7 жолтоқсандағы №514 бұйрығына сүйене отырып, "Akberen Education" - Ақберен республикалық танымдық-шығармашылық журналы ұйымдастырған сәуір айындағы Республикалық "Абай оқулары" конкурсын Керімбай атындағы №12 мектеп-гимназиясының 5 "Е" сынып білімалушылары қатысып жүлделі орындармен марапатталды. Жетекшісі Қапарова Қарлығаш Рахымжанқызы  

Керімбай атындағы №12 мектеп-гимназиясының "Балауса би" тобы Түркістан облысында ұйымдастырылған "TURAN ART FEST" байқауына қатысып жүлделі І орын иеленді. Жетекшісі Маглумбекқызы Фарида.  

11.04.2023 жылы  Ж.Үшкемпіров атындағы “Тараз-Арена” спорт сарайында “Аула ойындары – 2023” Тараз қалалық спорттық фестивалі өтті. Фестивальге асық ату, қалашық, ләңгі, секірмек және орта доп спорт түрлерінен аумақтық округтар бойынша  11 команда қатысты. Соның ішінде 6 аумақтық округ бойынша мектеп-гимназиямыздың командасы қатысып,  жалпыкомандалық есепте жүлделі ІІ орынды иеленді. 

«Дарын» республикалық ғылыми-практикалық орталығының ұйымдастыруымен жалпы білім беретін пәндер бойынша республикалық ғылыми жобалар  байқауының  қорытындысы бойынша мектеп-гимназиямыздың жас зерттеушілері де үздіктер қатарынан көрініп мектеп-гимназиямыздың абыройын асқақтатты.     КҮМІС  МЕДАЛЬ  ИЕГЕРЛЕРІ: 1. Қоршаған ортаны қорғау және адам денсаулығы секциясы бойынша: 11 сынып  білім алушысы Әбдуғали Асылжан . Жетекшісі: география пәні мұғалімі Шартықбаева Жанат. 2. Физика секциясы бойынша: