Елбасы Н.Ә. Назарбаев “Елдіктің жеті тұғыры” атты қағидаттар жиынтығын ұсынды.

Елбасы Н.Ә.Назарбаевтың Қазақстан әлемдегі дамыған 30 елдің қатарына қосылу үшін қажетті алғы ­шарттарының бұл күнде қарқын ала дамып , ары қарай да дами беретініне сенім білдіре отырып, “Елдіктің жеті тұғыры” атты қағидаттар жиынтығын ұсынды. Атап айтатын болсақ, бірінші, тәуел­сіз­дік – кез келген азамат үшін ең қастерлі құндылық. Жастар осы құндылықты бағалай білуге тиіс. Екінші – бір­лік пен келісім елдігіміздің мыз­ғымас тұғыры екендігіне тоқтал­ды. Үшінші – жер ата-баба мұра­сы, халық қазынасы. Елбасы жер туралы айта келе, ата-баба ама­натына адал болып, ұлан-ғайыр же­рімізді қорғау, оны болашақ ұрпаққа мирас ету жастардың ортақ борышы дегенге ерекше басымдық берді. Төртінші – отбасы мен салт-дәстүр қоғамның алтын діңгегі. Қай кезеңде де біз үлкенге ізет, кішіге құрмет көрсетуді дәріптейтін ата-дәстүрімізді берік ұстануымыз қажет екендігі баса айтылды үндеуде. Бесінші – ұлттық мәдениет ха­лық­тың рухани тірегі екендігі жө­нінде айта келіп, өркениетті 30 елдің қатарына қосылу үшін материалдық құндылықтармен қатар рухани байлықтың маңызы  жоғары екендігіне тоқталды. Елбасы алтыншы тұғырда “Өскелең ұрпақтың ғылым, білімге, еңбекке деген ұмтылысы-келешек кепілі “-деп жастарымыздың білімді болуы, елдің жарқын болашағы екенін атап өтті.Жетінші – прагматизм принциптері бойынша жастар қанағатшыл, үнемшіл, ұстамды болып, уақытты орынды пайдалануға талпынған жөн дей келе, терең білім алып, адал еңбек етуге үндейді. Қорыта айтқанда, Елбасының  үндеуі тәуел­сіз­дігімізді баянды етіп, ел тұтас­тығын сақтап, отбасылық құнды­лық­тарды жаңғыртып, ұлт мәдениетін наси­хаттап, терең білім мен адал еңбекке ден қойған жасам­паз ел боламыз деген қағи­даны берік ұстанумыз қажет екендігін айқындайды.Осы бағытта елімізді әлемге танытуда қыз­мет ету – біздің міндетіміз.  Өйт­кені қазақтың тарихы – мақтан етуге лайықты, ерлік пен елдіктің тари­хы. Ендеше, Елбасының ұрпаққа ама­натына адалдық танытып, ұлттық құндылықтарды ұлықтап, Қазақ­станның абыройын асқақтату жо­лында еңбек етуіміз керек. Еліміздің тәуелсіздігі мәңгілік,тұғыры берік болсын!