Хамит Есеманмен "Ақынға 100 сұрақ" форматында "Жас ақын толғайды" атты брайль, аудио кітаптарының тұсау кесер рәсімі өткізілді

Тараз қаласы Шерхан Мұртаза атындағы "Руханият және Тарихтану орталығында" Хамит Есеманмен "Ақынға 100 сұрақ" форматында "Жас ақын толғайды" атты брайль, аудио кітаптарының тұсау кесер рәсімі өткізілді. Осыған орай Керімбай атындағы 12 мектеп-гимназиясынан 8 "Д" сынып оқушылары мен сынып жетекшісі Оразбекова Ақмарал іс-шараға қатысты. Ақынға үздік сұрақ қойған үш оқушыға Хамит Есеман өз кітабын сыйға тартты. Екі кітапты 8 "Д" сынып оқушылары Құнанбай Сымбат пен Тілеубай Дидар үздік сұрақ қойғаны үшін иеленді. Сабақтан тыс өткен іс-шара оқушыларға ерекше әсер беріп, жаңа әдебиет саласындағы жас ақынды жаңа қырынан тануға мүмкіндік берді.